ඔබගේ ව්‍යාපාර වර්ධනය සදහා ෆේස්බුක් ගෘප් භාවිතය...

අපි නිතර නිතර පාවිච්චි කරන දෙයක් වගේම අපි හැමෝම දන්නා දෙයක් තමයි ෆේස්බුක් ගෘප් කියන්නේ.නමුත් ඔබ සිතුවාද ෆේස්බුක් ගෘප් හරහා ඔබගේ ව්‍යාපාරයේ ලාභය වැඩි කර ගන්න පුළුවන් කියල.මේ ලිපිය ඒ ගැනයි.

මම තීරණය කරා ෆේස්බුක් ගෘප් මගේ ව්‍යාපාර කටයුතු වලට දායක උණු ආකාරය මේ ලිපියෙන් ඉදිරිපත් කරන්න.

විනාඩි 10ක කාලයක් වැය කරලා මේ ලිපිය හොදින් කියවන්න.මුදල් වියදම් කිරීමකින් තොරව පහසුවෙන් ව්‍යාපාර ප්‍රවර්ධනය කරන්න පුළුවන් ක්‍රමයක් තමයි මේ ගෘප්.

ඇතැම් ව්‍යවසායකයින් පවසනවා ඔවුන්ගේ ව්‍යාපාර කටයුතු 350% කින් පමණ වැඩි වුනු බව මේ ක්‍රම භාවිතා කරලා.(අන්තර්ජාලය ඇසුරින්).මමත් ඒ ඉලක්කය කරා ඔබව ගෙන යන්න උත්සහ දරනවා.

නමුත් එය පුද්ගල වර්ධනයක් මිස සංඛ්‍යාවක් නොවේ.මිනිසුන් හා ඔවුන්ගේ හැගීම් පිළිබද ගනුදෙනුවකි.එකම දේකට අසාවක් ඇති එකම අරමුණක් සහිත පුද්ගලයින් එකතු වීම සමගියේ අරුත විදහා පාන්නකි.ඒ වගේම අපි අපේ වැඩයට ආදරය කරන්නේ ඇයිදැයි අපට මතක් කර දෙන අතර, අපට අවශ්ය වන්නේ එමගින් ඇතිවන පෙළඹවීමයි.

කතිකාවක් ගොඩ නැගීමට හොදම ස්ථානය ෆේස්බුක් ගෘපය බව අවිවාදාත්මකයි.ඔබගේ නව නිර්මාණ,නිෂ්පාදන වට්ටම් ආදිය පිලිබදව ඔබගේ ගනුදෙනු කරුවන් දැනුවත් කිරීමට හා ඔවුන් හා අදහස් හුවමාරුවට හොදම වේදිකාව මෙයයි.

ඔබගේ ව්‍යාපාරයට ඔබ විසින් ගෘපයක් පවත්වා ගන්නවානම් ඉන් ඔබට සොයා ගත හැකි ගනුදෙනු කරුවන් හෝ මිලදී ගන්නන් සංඛ්‍යාව ඔබ සිතනවාටත් වඩා වැඩි අගයක් ගනු ඇත.

ඇයි ව්‍යාපාරයක් සදහා ගෘපයක් අවශ්‍ය?.
මා මුලින් සදහන් කළා කොහොමද ෆේස්බුක් ගෘපය ඔබට ප්‍රයෝජනවත් වෙන්නේ කියල.දැන් බලමු කොහොමද ඔබගේ ව්‍යාපාර අදායම එමගින් වැඩි වෙන්නේ කියලා.

පසු ගිය වසර කිහිපය තුල ඔවුන්ගේ පරිශීලකයින්ට ෆේස්බුක් වඩා හොද තැනක් බවට පත් කිරීමට ඔවුන් වෙනස්කම් රාශියක් කරනු ලැබුවා.2018 සංඛ්යාලේඛනවලින් පෙන්නුම් කරන්නේ බිලියනයකට වැඩි පිරිසක් ෆේස්බුක් කණ්ඩායම්වල සාමාජිකයන් බවයි.ඔවුන්ගෙන් 10%ක් ම ගෘපය යොදා ගන්නේ ප්‍රයෝජනවත් යමක් වෙනුවෙනි.

2017 වසරේ සිට එක් වූ නව අංගයක් වන්නේ ෆේස්බුක් පිටු සදහාද ෆේස්බුක් ගෘප් නිර්මාණය කල හැකි වීමයි.

ව්‍යාපාර සදහා ෆේස්බුක් භාවිතා කල හැකි ක්‍රම කිහිපයක් ඇත.එම නිසා මුලින්ම ඔබ කල යුත්තේ ඔබට ගැලපෙන හා වාසි දායක ක්‍රම තෝරා ගැනීමයි.එය ඔබේ ව්යාපාරයේ වර්ගය මත සහ ඔබේ ප්රජාව සම්බන්ධ වන ආකාරය මත රඳා පවතී.ඔබට ෆේස්බුක් වෙලදාම් අරමුණු,පාරිභෝගික සේවා වැනි කටයුතු වලටද යොදා ගත හැකිය.

01.ෆේස්බුක් ගෘප් වෙළදාම් කටයුතු සදහා.
ෆේස්බුක් සමාගම වසර ගණනාවක් පැරණි සමාගමක් වන අතර ඇමරිකනුවන්ගෙන් 79% ක් පමණ මේ වන විට ෆේස්බුක් භාවිතා කරන බව ඔවුන්ගේ වාර්තා සනාථ කරන අතර එය ලොව ජනප්‍රියම සමාජ මාධ්‍ය වේ.

ගෙවී ගිය වසර කිහිපයක කාලය තුල ෆේස්බුක් ගෘප් වෙත සාමාජික ආකර්ෂණය වැඩි වී ඇති අතර එය හොද ව්‍යාපාරික අවස්ථාවකි.

මෙහි ඇති වාසිදායකම අංගය වන්නේ සිහි කැදවීම් නැතිනම් notification පහසු කමයි.නිතරම යම් සාමාජිකයෙකු ඔබගේ ගෘපය හා සම්බන්ද වී සිටී නම් ඔබ ගෘපයෙහි යම් යාවත්කලිනයක් (Update) සිදු කල විට ඒ පිලිබදව සාමාජිකයින්ට සිහි කැදවීම් හරහා දැනුම්න් දීමයි.

එහෙත්, ඔබ ගැන පමණක් කතා කරන්නේ නම්, පරිශීලකයන්ට කම්මැලි වී ගෘපය හැර යනු ඇත.

ඔබගේ ගනුදෙනු කරුවන් එහෙමත් නැති නම් සාමාජිකයන් වටිනාකමක් සහිතව රදවා ගත හැකි ක්‍රම කිහිපයක් මේ.

පාරිභෝගික සේවා සඳහා ෆේස්බුක් කණ්ඩායම භාවිතා කිරීම

ඔබගේ ව්‍යාපාරය සදහා පාරිභෝගික සේවාවක් අවශ්‍ය නම් ඔබගේ ගනුදෙනු කරුවන්ට ඇති වන ගැටළු,නව නිෂ්පාදන,වට්ටම්,තොග අවසන් කිරීම් ආදිය පිලිබදව ඔවුන් දැනුවත් කිරීමට පිරිවැයක් දැරිය යුතු නොවන පහසුම ක්‍රමය ෆේස්බුක් සමුහයක් බව ඔබ තේරුම් ගනු ඇත.

එහි අදහස දැනටමත් ඔබ සතුව තිබෙන පාරිභෝගික සේවා අංශය ප්‍රතිස්ථාපනය සිදු කිරීමක් නොවේ.

ව්‍යාපාර කටයුතු වලදී භාණ්ඩ හා සේවා අන්තර්ජාලය හරහා අන්තර්ජාලය යොදා ගනිමින් විකිණීම ඔන්ලයින් මාකටින් කියල සරලවම හදුන්වන්න පුළුවන්.සාමාන්‍ය වෙළදාමට වඩා පුළුල් පරාසයක් තුල තමන්ගේ ව්‍යාපාර කටයුතු මෙහෙයවිය හැකි නිසා මෙම ව්‍යාපාර ක්‍රමය ලෝකයේ ව්‍යාපාරික ප්‍රජාව අතර බෙහෙවින් ජනප්‍රිය වී ඇත.

මේ තුලින් පහත ප්‍රතිලාභ ව්‍යාපාරික ප්‍රජාවට ලබා ගත හැකිය.

1. විභව වර්ධනය.
2. අඩු වියදමකින් ප්‍රචාරණය.
3. අලංකාර සිත්ගන්නා සුළු ප්‍රචාරණය.
4. ඉතා හොද පාලනය.
5. වැඩි දියුණු වූ පාරිභෝගික සේවාව.
6. තරගකාරිත්වයට නොභියව මුහුණ දිය හැකිය.

අන්තර්ජාල අලෙවිකරණ යනු අන්තර්ජාල අලෙවිකරණය, වෙබ් අලෙවිකරණය, ඩිජිටල් අලෙවිකරණය සහ සෙවුම් යන්ත්‍ර අලෙවිකරණය (SEM) ලෙසින්ද හැඳින්වේ.

ව්‍යාපාර අවස්ථාව අනුව දැන්වීම් රටාව වෙනස් විය හැකි අතර එය හොදින් වටහා ගැනීම තුලින් සාර්ථක ප්‍රතිපල ලබා ගත හැකිය.

මෙම බ්ලොග් අඩවියේ ප්‍රධාන අරමුණ හා ඉලක්කය ෆේස්බුක් වෙලදාම්කරණය පිලිබදව ව්‍යාපාරික ඔබව දැනුමින් සන්නද්ධ කිරීමයි.නමුත් online marketing යනු හුදෙක් ෆේස්බුක් මර්කෙටින් පමණක් නොවේ.එය විශාල පරාසයක් පුරා විහිදී යයි.

ෆේස්බුක් හොරකම...
හොරකම යන වචනය දකිමෙනුත් ඔබ පුදුම වෙනවා නොඅනුමානය.නමුත් සැබෑ කතාව එයයි.ෆේස්බුක් වසර ගණනාවක සිට හොරකමේ යෙදෙමින් සිටි.ඔබෙත් මගෙත් දත්ත ඔවුන් දින පතා සොරකම් කරනු ලබයි.

නමුත් එය නීතියට එරෙහි වූ හොරකමක් නොවේ.ඔවුන් එලෙස සොරා ගන්නා දත්ත වලින් ඔවුන්ගේම වෙලදාම් රටාවක් නිර්මාණය කරගෙන ඇත.ඒ තුලින් ඔවුන් මුදල් උපයයි.

ඒ කොහොමද?...
කිසියම් කෙනෙකු ඇදුම් විලාසිතා ආදියට වැඩි කැමැත්තක් දක්වයිනම් ඔහු හෝ ඇය ඒ පිලිබදව නිතර අවදානයෙන් සිටි.ඔවුන් නිතර ඒ පිලිබදව පොස්ට් ෆේස්බුක් හි ෂෙයාර් කරයි.නිතර නිතර අන්තර්ජාලයේ ඒ පිලිබදව සොයා බලයි.මෙලෙස ඒ පිලිබදව සොයා බලන දේ පිලිබදව ෆේස්බුක් ආයතනය අවධානයෙන් සිටි.මෙලෙස ඔවුන් ඇදුම් හා විලාසිත වලට කැමති අයව සොයා ලැයිස්තු ගත කර ගනී.ඉන් අනතුරුව කිසියම් රෙදි පිලි ව්‍යාපාරිකයෙකු තම නිෂ්පාදන පිලිබදව මුදල් ගෙවා ෆේස්බුක් හි දැන්වීමක් නිර්මාණය කල විටෙක එම දැන්වීම ෆේස්බුක් සමාගම දර්ශණය කරනු ලබන්නේ රෙදි පිලි වලට කැමති අයට පමණි.එය කිසි විටෙක ඒ පිලිබදව ඇල්මක් නොදක්වන අයට ප්‍රදර්ශනය නොකරයි.මෙය ඉලක්කගත දැන්වීම්කරණය ලෙස හදුන්වනු ලැබේ.

මෙම දැන්වීම් රටාව ව්‍යාපාරිකයාට හෝ දැන්වීම් කරුවට ඉහල ප්‍රතිලාභ ලබා දීමට සමත් වේ.ඒ ඔහුගේ ප්‍රචාරණයට ගෙවූ මුදල් අනවශ්‍ය අය වෙත ගෙන යාමට නාස්ති නොවීමයි.එමෙන්ම ෆේස්බුක් හි දැන්වීමක් ප්‍රචාරය කිරීමට විශාල මුදලක් වැය නොවේ.එහි අවම මුදල දිනකට 1$ වේ.දින ගණන මෙන්ම දිනක වියදම ඔබට කැමති පරිදි වෙනස් කර ගත හැකිය.

ගූගල් සමාගමද මීට බොහෝ සමාන වූ දැන්වීම් රටාවක් නිර්මාණය කර,ඔවුන්ගේ ව්‍යාපාර කටයුතු මෙහෙයවයි.නමුත් ඔවුන්ගේ ගූගල් අඩවිය තුල සිදු වන්නේ යමක් සොයන විට එයට අදාල දැන්වීම් ප්‍රදර්ශනය කිරීමයි.නමුත් ෆේස්බුක් හි සිදු වන්නේ නිදහසේ සැරි සරණ විටද ඔවුන්ගේ පරිශීලකයන්ට හානියක් නොවන අයුරින් ඔවුන්ගේ දැන්වීම් ඉදිරිපත් කිරීමයි.ෆේස්බුක් හි අපි දැන්වීමක් ලෙස හෝ නරබන්නේ අපි කැමති දෙයක් පමණි.

අපි ව්‍යාපාර ඇසකින් බලන විට ව්‍යාපාරික අපට ෆේස්බුක් දැන්වීම් රටාව බොහෝ ප්‍රයෝජනවත් වනු ඇත.